Livestream

Bremen Eins Serien Auf ein Wort

Auf ein Wort

Obdacklose

Von Hans-Gerd Martens

14. Juni 2020

Landstrieker, Gammler oder ok Penner, dat weern fröher so typische Beteknungen för Minschen ohne Dak övern Kopp. Vondagen nennt wie se eher Obdack- oder Wohnungslose. Dat ännert over wenich doran, wie de Minschen tatsächlich buten lävt. Wie hevt us jo irgendwie dor an gewöhnt, wenn se sick op de Parkbänke oder in de Ingänge vonne Lodens trüchteet. Se sind dor over irgendwie ok nich. Wie gävt af un to moln Euro, over, weer kümmert sick wirklich um de Obdacklosen?

At dat innen März losgüng mit de Corona-Kontaktsperre und at dat heete, wer kann, bliv an besten innen Huus un buten ümmer 1,50 Meter Avstand, dat moss doch för de Obdacklosen klingen wie de reinste Hohn. Wie wullt du in Huus bleiben, wenn du blot de Stroot hess, un Avstand holen buten biet Anstohn för wat do drinken un äten, wie schull dat gohn? Dat hevt sick ok den Karken in Brämen frogt un säch, wie mööt wat doon. De Diakonie ton bespiel, de sammelt ornlich Spenden.

Fievdusend Euro gungen annen Vereen för innere Mission. De hevt wat to äten för de Notunnerkünfte besorcht. De Zoppenengel hevtn Lastenfohhrad kövt. Dormit könnt se överall henn, wo wat to äten un drinken brückt wat. Undn poor Dusen Masken kunnen vonne Spenden anschafft weern, för de Karkenkoffees in Walle, Horn un inne Innenstadt.

Geld gung ok noch an denn Cirkus Belly. De weer tofällig in Brämen, at eere Norddütschland Tour losgohn schull. Und wägen Corona seeten se fass, de Tiere mööt fräten, dat kost Geld un oohne Optritte givt kiene Innohmen.

So kunnen se sick dör de Spänden jedenfalls ne Tiedlang hölpen. Nu knapp dree Monot no de Kontaktsperre is dat warmer wuurn, dat Läben wart för us all woller n'bäten normoler, de Minschen oppe Stroot allerdings, de könnt trotzdäm jeden Spändeneuro goot brüüken.

Auf ein Wort
Mehr zur Beitragsreihe "Auf ein Wort"