Livestream

Bremen Eins Serien Auf ein Wort

Auf ein Wort

Online-Gottesdeenst

Von Hans-Gerd Martens

7. Juni 2020

To Ostern, dor is wat passert, wat use Karken noch nich belävt hevt, sietdem't Karken giv. Se bleeben dich, wägen Corona. So, un wat nu?

Meist jeedeneen hätt vondagen jo'n Apparot ton Telefonieren, de, wenn du de richtigen Knööp inne richtige Reenfolg drücks, ok noch de dullsten Filme mookt. Klor – hevt sick n'hopen Lüüe inne Kark sächt – genau söke Filme, de mookt wie nu, ut de Karken.

De Pastoren, Froen un Kerls, vertält von Ostern, un de Minschen inne Hüüs könnt dat denn mitbeläven int Internet, bie Youtube, Facebook unsowieter. Denn mott dor eenen poor vernünftige Wöör schnacken, n'annern wat singen, dorto ornliche Biller ut de Kark, genooch Lich, denn nochen Mikrophon, at dat allens nich klingt wie ut de Boodestuv, usen Vadder bäen und denn Sägen nich vergäten, bumms fertig is de online-Gottesdeenst.

Un tatsächlich, in vääle, vääle Karken, dor keemen denn de Ackerschnacker oder ähnliche Film-Apperote ton Insatz. De eene oder annere Gemeen, de is dor nu so richtich opn Geschmack komen und hört mit Online gor nich mehr op. Eenfach mol utprobeeren, säch wie mol  bie youtube und söken no Brämen un Gottesdeenst, dor hess du Material fört ganz Johr.

Oder noheer mol bie de Internet-Siet vonne Brämische evangelische Kark rinkieken. Dor isn denn n'Gottesdeenst buten ut Läsum to sehen. Janni, Steffen und Lotta, dat sünd dree junge Minschen vonne evangelische Jugend in Brämen, de vertält wat över Freundschaft. Normolerwies weeren se in Sommer woller int Konfi-Camp anne Ostsee föhrt, un dor spält Freundschaft ümmer ne grote Rull. Over dat Camp, afsägt wägen Corona. Nu also, at lüttjen Ersatz, de Gottesdeenst uten Goorn in Läsum. Kiekt doch mol rin.

Auf ein Wort
Mehr zur Beitragsreihe "Auf ein Wort"