Livestream

Bremen Eins Serien Auf ein Wort

Auf ein Wort

Sta fast, kiek wiet und rög di!

Von Hanna Hagedorn

22. März 2020

Vandaag ist Sündag. Ick much di gern dree Mol wat fragen:
Mien erste Fraag: Liggst du noch ruhig in't Bett oder büst du villicht all in’t Badezimmer an't Tannen putzen? Kannst du noch ruhig staan, magst du di sülmst in't Speegel ankieken und die sülmst Goden Morgen seggen? Oder büst du all hibbelig? Söndag is Tiet, mal eben staan to blieben. Anhollen. Innehollen. Wat gifft die Sekerheit int Leben, dat du gaut stohn kanst? Föhl de Grund mal unner dien Footen.

Mien tweede Fraag: Hest du een Fenster, wor du geern rutkiekst? Oder een Platz, waar du wiet kieken kannst? De een geit an't Water und kiekt bit an de Stee, waar de Himmel in't Water övergeiht. De anner wohnt villeicht in Hooghuus und kann över all anner Huusen wechkieken. Wat süchst du? Wenn nix mien Blick verspeert, dat ist doch een ganz fein Geföhl! Denn kannst du villicht sehn, wat up di to kummt oder di beter torecht finden und denn dorup tau to gahn.

Mien darde Fraag: Büst du een Couchpotato, de am leevsten den ganzen Dag up't Sofa rumlümmelt, Fernsehn kickt un de Been lang maakt? Oh, dat kann ja so gemütlich ween! Jüüst an Sünndag kann dat wat heel Feins ween, wenn ick ohne Tieddruck einfach nix doon mutt. Herrlich!

Aber wi weten all, dat nett an Sönndag een Gang an de frische Luft beter is als de beste Medizin. Een paar Treden gahn, sück bewegen, eem vör de Döör gahn. Mitunner reckt dat, wenn't blot een halben Stünn is. Worum ick dat all van di weeten will? Will ick die een Spröök mitgeben will för vandaag. De heet: Stah fast, kiek wiet und rög di.

Dat wünsch ick di för disse Söndag, disse besünner Dag, de uns van Gott schenkt ward:  Dat du di besinnst, wat di Halt gifft, dat du Orientierung hesst und dat du togang kummst: Sta fast, kiek wiet und rög di!

Auf ein Wort
Mehr zur Beitragsreihe "Auf ein Wort"