Livestream

Bremen Eins Serien Auf ein Wort

Auf ein Wort

Reformationstag

Von Hans-Gerd Martens

27. Oktober 2019

Donnersdach is woller so wiet, wie fiert de Reformation. Manch eenen säch jo, an allerbesten is dat Rinfiern, denn kann du nächsten Dach in Ruhe utschlopen un die denn ganz sinnich um die Reformation kümmern. Denn häss du ok Tied, non Fröhstück nochmol notoläsen, worum wie eegentlich Donnersdach free hevt.

Martin Luther schall an 31. Oktober 1517 jo siene 95 Thesen an de Karkendöör in Wittenberg nogelt hebben. Dorbi gungt Luther jo hauptsächlich dorum, an de katholische Kark undn Popst rumtomeckern. Luther meende, dat gung de Kark bloß noch umd Geld. Wenn du irgendeenen Unfuch anstellt haars, Portnemonnaie rutholn, npoor Toler afdrücken und bums sind diene Sünden vergäben. Jüss dat is de eegentliche Unfuch, Geld betolen, Sünden wech, sech Luther. Un deswegen wull he de Kark reformiern, wörtlich översätt heet Reformation nex anneret at in de ole Form trürchbringen, so at Jesus dat meent hett, ohne Popst und Prunk. Dormit dat ok jeder verstohn kunn, deswegen hett Luther de Bibel ind Düütsche översätt. Vorher gevt de Bibel jo bloß in griechisch oder Latien.

Dat Luthersche Düütsch verstünn hier in Norden allerdings ok nich jeder, hier wuur vör 500 Johr meis plattdüütsch schnackt. Un deswegen geevt in disse Gägend ok plattdüütsche Bibeln un Karkenordnungen. De erste Brämische evangelische Karkenordnung von 1534 is natürlich ok op plattdüütsch. Dat Vorwuurd kummt von Johannes Bugenhogen, de weer so wat wie de plattdüütsche Luther. Bugenhogen kunn just so at Luther de Minschen opt Muul kieken, ok de Bibel hätt he int Platte översätt.

Mitt Plattdüütsche is dat jovondagen nich mehr so wiet her, inne Kark. Immerhänn, inne Martini-Gemeenin Werschenrege bi Lesum, dor prädigt ton Advent an 8. Dezember woller Harm Ridder op platt. Un denn hört sick dann so an at fröher to de.

Auf ein Wort
Mehr zur Beitragsreihe "Auf ein Wort"