Livestream

Bremen Eins Serien Auf ein Wort

Auf ein Wort

RDHS

Von Hans-Gerd Martens

19. Mai 2019

RDHS, man kiene Anst, dat hett jetzt nex to don mitten Zappelphipp und irgendwecke Krankheiten, und disse Bookstaben, de stoht ok nich opn Wahlzettel nächsten Sonndach. RDHS, dat steiht för Reichsdeputationshauptschluss. Dat weer 1803, also mehr at 200 Johr ist dat her. Worum schall us son Wurtungetüm vondagen överhaupt noch intresseeren. De RDHS de hett ne Wirkung bit in use Tied.

Domols sätte Napoleon sich links von Rhein fass, un de linksrheinischen Landesherrn, de schullen nu entschädigt weern, mit Geld. Dat Geld, dat hevt se sick denn eenfach mol vonne Karken un Klöster rechts von Rhein holt. So, nu mussen de jo over irgendwie entschädigt weern. Und diesse Entschädigung, de lopp bit vondagen. Vääl Bundesländer betohlt jedet Johr so und so vääl Millionen an de Karken. Wer schall so wat noch vestohn? Dat hogelt ok ümmer böse Kommentore, at dat moln Ännen Häppen mött mit Staatsgeld för de Karken. Allerdings troot sick ne Politik nich so richtig, is woll to komplezert.

De Brämer, de sind övrigens bi dissen ganzen Schlamassel fein rut. De Hamborger ok. De Karken un Klöster in Brämen und Hamborg, de sind domols gör nich to Kasse bäen wurn. De Hanseoten weern jo all ümmer wat Besünneret. Und bien RDHS mööt se sick överhaupt kiene Gedanken moken.

Komplezert genoch sünd jo all de Wohlzettel nächsten Sonndach mit de väälen Bookstaben. 40 Parteien för de Europowohl, alleen in Brämen.

Bremen Eins
Mehr zur Beitragsreihe "Auf ein Wort"