Livestream

Bremen Eins Serien Plattdeutsche Nachrichten

Jetzt neu: butenunbinnen.de, alles wichtige aus der Region

Plattdeutsche Nachrichten

De Plattdüütschen Narichten vun'n 22. Februar 2018

22. Februar 2018

Plattdüütsch Narichten vun'n 22. Februar 2018 [3:23 Minuten]

Bunnesrichter verhannelt över dat Verbot to Fohren för Fohrtüüch mit Diesel- Motors

Leipzig: Dat Bunnesverwaltungsgericht verhannelt hütt doröver, wat Fohrtüüch mit Dieselmotoren in de Städe fohren dröfft oder nich. De Fraag is, wat so een Verbot rechtens is, ohne dat dat eene bunneswiete Regelung för all gifft. In veele Städe gifft dat siet Johren mehr Schadstoffe as dat verlöft is. De Grenz ward nich inhollen. Dat kann hüt noch to een Urdeel komen. De Düütsche Umwelthölp geiht dorvun ut, dat dat in düssen Sommer de ersten Verbote to´n Föhrn geben kunn, wenn se Recht kreegt.

Merkel gifft vor EU- Gipfel Regerungs Utkunft af

Berlin: Kanzlersch Merkel seggt, dat de Europäische Union in de nächsten Johen gote Opgaven bevöstaht. Europa steiht in de Politik un de Wirtschafft  op de ganze Welt unner Druck, meent se bi de Reegerungs-Utkunft in Bunnesdag. Se hett koor maakt, dat dat Düütschland blots goot geit, wenn dat ok Europa goot geiht. Morgen koomt de Staats- un Regierungsbosse in Brüssel to een Top-Drepen tohoop. Dor geiht dat denn um den Rahmen vun de  EU- Finanzen un ok um de Europawahl 2019.

Trump is an sien un simeleren över Scholmester mit Wapen in de Hand

Waschington: US- Präsident Trump is an sien un simeleren de Scholmester mit Wapen in de Hand uttostafferen. He meent, dat de Scholmester so beter Atakken to een Enn bringen könnt. Se schüllt natürlich in´t Scheeten trainiert warrn, un de Wapens dröft nich för de Lüd to sehn sien. Dat hett he bi een Drepen mit de Lüd, de den Amokloop in Florida överleevt hebbt, seggt. Bi de Atakke in de letzen Week sind 17 Minschen to dode kamen.

UN- Sekerheitsraat hollt Ratslag, dat dat keen Scheten mehr in Syrien geven schall

New York: De UN- Sekerheitsrat schall,  as dat schient, hüt doröver afstimmen, dat dat in Syrien eerstmal mit dat Scheeten ophört. Sweden un Kuwait  hebbt eenen Resolutions-Vörslag maakt, wo se willt, dat dat för 30 Tage keen Scheten mehr gifft. In düsse Tiet willt se Hölpsfracht levern, un de Lüd, de verletzt sünd, schüllt in Sekerheit bröcht warrn. In Ost- Ghuta sind dat so üm un bi 400 dusend Minschen, de nich mehr rut kaamt. Hölpslüüd seggt, dat dor leege Tostänn herrscht.

Werder is bang vunwegen de grote Last na DFL- Urdeel

Bremen: Bunnesligist Werder Bremen süht dat Gerichtsurdeel to de Polizeikosten ernst. De Vereinspräsident Hess- Grunewald is bange vunwegen dat Geld. Dat Bremer Oberverwaltungsgericht hett gistern dat Land Bremen Recht to sproken, um den Striet um de Kosten mit de Düütsche Football Liga. Bremen dröff een Reken an de Düütsche Football-Liga schrieven, wenn dat mehr Kosten bi Risiko-Football-Spelen gifft, as normal. De DFL hett seggt, dat se de Reken an Werder Bremen wieter geven wüllt.

Dat Weer

Un so steiht dat Thermometer upstunns: an`n Bremschen Fleegerhaben 1 Grod unner Null, an de Fischereehaberslüüs in Bremerhaben un op Langeoog 0 Grod, un in Deefholt bi 1 Grod. Hüt Vomdag gifft dat noch veele Wulken. Man to´n Nomdag henn kummt de Sünn mehr un mehr rut, dat blifft over dröge, bi 3 bit 4 Grod. Tokamen Nacht sünd blots af un an een poor Wulken an Heven, ohne Schuers, bi 2 bit 4 Grod unner Null. Morgen gifft dat erst dicke Wulken an´t Heven, man denn  kummt de Sünn dör, meist blifft dat dröge, bi 2 bit 3 Grod. An Sünnabend wesselt sick de Sünn un de Wulken af , bi 1 bit 4 Grod. Dat weern de Nahrichten . Anja Guse hett se tohoop stellt. Op platt trechtmaakt un vörleest hett se Antje Kruppa.

Plattdeutsche Nachrichten
Service